വടക്കാഞ്ചേരി: ഡ്രൈവർമാരില്ലാത്തതിനെ തുടർന്ന് വടക്കാഞ്ചേരി ജില്ലാ ആശുപത്രിയിലെ ആംബുലൻസ് സേവനം ശനിയാഴ്ചയും പൂർണ്ണമായി മുടങ്ങി. ഇതോടെ അത്യാഹിത വിഭാഗത്തിൽ എത്തുന്ന രോഗികൾക്ക് മറ്റ് ആംബുലൻസ് സർവീസുകളെ ആശ്രയിക്കേണ്ട ഗതികേടാണ് ഉണ്ടായിരിക്കുന്നത്.
നാല് ഡ്രൈവർമാർ ആശുപത്രിയിൽ ഉണ്ടെങ്കിലും, രണ്ടുപേർ സ്ഥിരമായി അവധിയിൽ പോയതാണ് പ്രതിസന്ധിക്ക് കാരണം. ഷിഫ്റ്റ് അടിസ്ഥാനത്തിൽ പ്രവർത്തിക്കുന്ന ആംബുലൻസ് സർവീസിൽ, വെള്ളിയാഴ്ച രാത്രി ഡ്യൂട്ടി കഴിഞ്ഞ ഡ്രൈവർ രാവിലെ മടങ്ങിയതോടെ ശനിയാഴ്ച പകൽ ആംബുലൻസ് സേവനം പൂർണ്ണമായും നിലച്ചു.
കഴിഞ്ഞ രണ്ടു മാസത്തോളമായി ജില്ലാ ആശുപത്രിയിലെ ആംബുലൻസ് സേവനം കാര്യക്ഷമമല്ലാത്ത അവസ്ഥയിലാണ്. ഇത് സംബന്ധിച്ച് ബന്ധപ്പെട്ട അധികാരികൾക്ക് പരാതി നൽകിയിട്ടും യാതൊരു നടപടിയും ഉണ്ടായിട്ടില്ലെന്ന് നാട്ടുകാർ ആരോപിക്കുന്നു. അടിയന്തര ഘട്ടങ്ങളിൽ പോലും ആംബുലൻസ് ലഭിക്കാത്തത് പ്രതിഷേധങ്ങൾക്ക് ഇടയാക്കിയിട്ടുണ്ട്.
ജില്ലാ ആശുപത്രിയിൽ ആംബുലൻസ് സേവനം തടസ്സപ്പെടുന്നത് ഗുരുതരമായ ആരോഗ്യ പ്രശ്നങ്ങളുള്ള രോഗികൾക്ക് വലിയ ബുദ്ധിമുട്ടുണ്ടാക്കുന്നു. എത്രയും പെട്ടെന്ന് കൂടുതൽ ഡ്രൈവർമാരെ നിയമിച്ചുകൊണ്ട് ഈ പ്രതിസന്ധിക്ക് പരിഹാരം കാണണമെന്ന് നാട്ടുകാരും രോഗികളുടെ ബന്ധുക്കളും ആവശ്യപ്പെടുന്നു. ഈ വിഷയത്തിൽ അധികൃതരുടെ അടിയന്തര ശ്രദ്ധയും നടപടിയും ഉണ്ടാകണമെന്ന് അവർ അഭ്യർത്ഥിച്ചു.
വടക്കാഞ്ചേരി നഗരത്തിന് 3 km പരിസരത്ത് എല്ലാ സൗകര്യങ്ങളുമുള്ള 4 കിടപ്പുമുറികളുള്ള വീട് അത്യാവശ്യമായി വാടകക്ക് ആവശ്യമുണ്ട്.
വിളിക്കുക 8075578509
0 അഭിപ്രായങ്ങള്