വടക്കാഞ്ചേരി സൗഹൃദം സെൻ്റർ മികച്ച കലാസാംസ്കാരിക പ്രവർത്തകർക്ക് നല്കുന്ന കീർത്തി മുദ്ര അവാർഡിന് പ്രശസ്ത നർത്തകി സന്ധ്യ ശ്രീഭനും കലാകീർത്തി പുരസ്കാരത്തിന് റിട്ട. അദ്ധ്യാപകനും തബല വാദകനുമായ കെ.ആർ.രാജു മാസ്റ്ററും അർഹരായി.പ്രശസ്തി ഫലകവും സാക്ഷ്യപത്രവുമടങ്ങിയ അവാർഡ് ഫബ്രുവരി 24 ന് ഉച്ചതിരിഞ്ഞ് 2 ന് അമ്പിളി ഭവനിൽ നടത്തുന്ന പൂര വിരുന്നിൽ വച്ച് സമ്മാനിക്കും.
ശ്രീ ദുർഗ്ഗ നൃത്തകലാ ക്ഷേത്രത്തിൻ്റെ സ്ഥാപകയായ സന്ധ്യ ശ്രീഭൻ ഭരതനാട്യം മോഹിനിയാട്ടം കുച്ചുപ്പുടി, എന്നിവയിൽ അനേകം പേർക്ക് പരിശീലനം നല്കിയിട്ടുണ്ടു്.വടക്കാഞ്ചേരിക്കടുത്ത് പന്നിപ്പാടം സ്വദേശിയായ അവർ 3 തവണ ഗ്വിന്നസ്സ് റെക്കോടിന് ഭാഗമായിട്ടുണ്ട്.
ഗവ.ഹൈസ്കൂൾ പ്രധാന അദ്ധ്യാപകനായി വിരമിച്ച കെ.ആർ.രാജു മാസ്റ്റർ പുരാണേതിഹാസ പരിജ്ഞാനിയും അനേകം സാമൂഹ്യ സാംസ്കാരിക സംഘടനകളുടെ സാരഥിയുമാണ്. സൗഹൃദം സെൻ്ററുമായി ബന്ധപ്പെട്ട പരിപാടികളിൽ അദ്ദേഹം തൻ്റെ തബല വാദന പാടവം പ്രകടിപ്പിച്ചിട്ടുണ്ടു്.
- ഡയറക്റ്റർ -
0 അഭിപ്രായങ്ങള്